أشهر المعتقدات الخاطئة وتصحيحها

١- يا دكتور اكتبله فيتامين يقوي أعصابه ❌

التصحيح:✅الفيتامينات زي ب 12 مثلًا لا يقوي الأعصاب و لا يعالج الرعشة و لا يحسن المشي .. 😳هو فقط لعلاج أحد أنواع الأنيميا و أحيانا نقصه يعمل التهاب بالنخاع الشوكي و الأعصاب (و ده مرض نادر جدا) بالمناسبه زي ما كل المرضي اللي بأطلب لهم vitamin D بيطلع قليل كل اللي اتعمل لهم تحليل Vitamin B12 طلع عالي جدااا فوق مستوي الطبيعي انا عارف اني بأغلط في أكسير الحياه و الحقنه اللي بتغسل اعصابنا من جوه 😂 بس دي الحقيقة.

٢- عندي صداع علي طول رغم اني كل ما أقيس الضغط الاقيه مضبوط ❌

التصحيح:✅الضغط العالي أو الواطي قليل لما يعمل صداع و مرضي الضغط العالي المزمن كتير بيكتشفوا بالصدفه أن ضغطهم مثلا ٢٠٠ علي ١٢٠ رغم انه عمره ما اشتكي بصداع .. الصداع له أسباب و أنواع كتير أوي و فكره ربط الصداع فقط بالضغط فكره غلط تماما

٣- مش عاوز مسكن .. عاوز علاج❌

التصحيح: ✅أي ألم لابد له من مسكن .. و بعض المسكنات زي

 NSAIDSلها كمان دور علاجي لأنها مضاده للالتهاب اللي سبب الألمو بعض المشاكل أصلا لا يوجد علاج نهائي لها زي خشونه الفقرات مثلا .. وجود المسكن في روشته اي مريض يعاني من أي ألم أمر ضروري و لا يعيب الدكتور .. مع وجود طبعا أدويه اخري لعلاج سبب المشكلة أن كان لها علاج.

٤- مش عاوز أدويه نفسيه و لا مهدئات و لا منومات عشان ما اتعودش عليها❌

التصحيح: ✅أنواع المهدئات التي بتسبب التعود أنواع قليله جدا و مش كتير بنستخدمها .. الأدوية النفسيه تطورت جدا الفتره الاخيره و طالما الدكتور شايف انك محتاجها .. يبقي تاخدها و خليك جدع الله يسترك ..☺بتغاظ اوي لما حد يقول لي بقالي شهر مبنامش بس مش عاوز منوم .. طب انت جايلي اعمل لك حجاب و لا انومك تنويم مغناطيسي يعني😂

٥- كل ما أوقف أدويه الكهرباء .. التشنجات ترجع .. يبقي ده مسكن مش علاج .. و مش هاخده تاني ❌

التصحيح ✅أدويه الكهرباء تستخدم للسيطره علي التشنجات و يجب الاستمرار عليها فترات طويلة (سنتين على الأقل و في بعض الأحوال مدي الحياه) و توقيفها نفسه بدون استشاره الطبيب هيجيب النوبات و نضطر نعد سنتين من جديد

٦- نزلت اصرف الروشته الصيدلي قاللي دي أدويه صرع و اكتئاب .. و انا معنديش الحاجات ف مخدتش الدوا ❌ال

تصحيح ✅ادويه الصرع زي valproate و topiramate تستخدم لعلاج نوبات الصداع النصفي و زي carbamazepine تستخدم لعلاج الألمو بعض ادويه ادويه الاكتئاب تستخدم لعلاج حاجات كتير وي ألم الاعصاب و الصداع التوتري و النصفي و التبول الليلي و غيرها

٧- ابني عنده سمات توحد و فرط حركه بس مش عايزه مهدئات خالص عشان بتدمر المخ ❌

التصحيح:✅بعض الأدوية زي risperidal مثلا بتصنف علي انها مهديء اه .. لكنها بتحسن سمات التوحد و التواصل البصري ..و تقليل الحركه الزياده نفسه بيحسن التركيز و القدره على التعلم و لا تدمر المخ و لا حاجه.. بلاش أفوره😂

٨- اعملي رسم مخ عشان نطمن علي نسبه الكهرباء وصلت كام ❌❌

التصحيح ✅لا يلزم عمل رسم مخ بشكل روتيني كما يحدث في بعض العيادات مع كل زياره 😏😏😏😏. متابعه مريض الكهرباء بالاطمئنان علي عدد مرات حدوث النوبات .. رسم المخ بنحتاجه في أول التشخيص و قبل إيقاف الدواء بعد سنوات العلاج.

٩- كان عندي جلطه في المخ و كنت متابع علي طول مع الدكتور المشهور جراح المخ والأعصاب ❌❌

التصحيح ✅الغلط مش عندك المره دي عزيزي المريض الغلط عند المشهورهناك فرق بين تخصصي أمراض المخ والأعصاب و جراحه المخ و الاعصابتخصص مخ و اعصاب باطنه هو اللي بيعالج جلطات المخ و الصداع و الصرع و التهاب الاعصاب و الكهرباء و الرعاش و الام اس و الدوخه و النسيان و خلافهمازال البعض القليل من دكاتره جراحه المخ والأعصاب مصرين علي علاج حالات مش تخصصهم و لكن الغالبيه العظمي حاليا مشكورين بيحولوا المرضي للاتجاه الصح

١٠- عندي العصب مش شغال يا دكتور .. فاهمني😂 ..يا دكتور أنا مش أنا 🙊.. اكتبلي حاجه تشد العصب 🦸‍♂️

التصحيح: دكتور الاعصاب دوره فقط في التأكد من عدم وجود سبب لدي الرجل له علاقه بالمخ و الاعصاب و بعد كده علاج المشكله دي مع دكاتره الذكوره .. ناس كتير متعرفش بوجود هذا التخصص. 

متعكم الله بالصحه والعافيه